Tilkynning um KDE 3.4.3

13. október 2005 - KDE verkefnið tilkynnir í dag um fáanleika KDE 3.4.3, viðhaldsútgáfu fyrir öflugasta frjálsa skjáborðið fyrir GNU/Linux og önnur UNIX kerfi. KDE 3.4.3 kemur með grunn skjáborðinu ásamt fimmtán öðrum pökkum (PIM, kerfisstjórnun, netforritum, kennsluleikjum, tólum, margmiðlun, leikjum, grafík, vefhönnun og meira). Margverðlaunuðu KDE tólin og forritin eru fáanleg á 51 tungumáli.

KDE, ásamt öllum forritum og söfnum þess, má nálgast endurgjaldslaust undir notkunarskilmálum Open Source. Það má nálgast kóðann og ýmsa keyrslupakka á niðurhalssíðunni, einnig er hægt að panta geisladisk eða nálgast það hjá einhverri af aðal GNU/Linux - UNIX dreifingunum sem koma út í dag.

Endurbætur

KDE 3.4.3 er viðhaldsútgáfa sem leiðréttir villur sem voru tilkynntar á bugs.kde.org, ásamt auknum stuðningi við eldri og nýjar þýðingar.

Fyrir nánari lista yfir endurbætur frá KDE 3.4.2 sem kom út í júlí, skoðaðu KDE 3.4.3 breytingarannálinn.

Nánari upplýsingar um endurbætur á KDE 3.4.x seríunni má finna í KDE 3.4 tilkynningunni.

Að setja upp KDE 3.4.3 keyrslupakka

Pakkahöfundar. Nokkrir Linux/UNIX dreifingaraðilar hafa boðið upp á keyrslupakka af KDE 3.4.3 fyrir sumar útgáfur af sínum kerfum, og í öðrum tilfellum hafa sjálfboðaliðar gert það. Nokkra af þessum pökkum má nálgast endurgjaldslaust frá http://ftp.rhnet.is. Aukalegir pakkar, ásamt uppfærslum við núverandi pakka, geta verið aðgengilegar á komandi vikum.

Staðsetning pakka. Fyrir lista yfir keyrslupakka sem KDE verkefnið hefur fengið upplýsingar um, skoðaðu KDE 3.4.3 upplýsingasíðuna.

Að byggja KDE 3.4.3

Frumkóði. Allann frumkóða KDE 3.4.3 má nálgast endurgjaldslaust . Upplýsingar um að byggja og setja inn KDE 3.4.3 má finna á KDE 3.4.3 upplýsingasíðunni.

Styðja við KDE

KDE er frjáls hugbúnaðar, verkefnið vex og dafnast einungis vegna hjálpar margra sjálfboðaliða sem gefa sinn tíma og getu. KDE hefur alltaf þörf fyrir fleiri sjálfboðaliða, hvort sem það er við kóðun, villuleiðréttingar eða tilkynningar, skrifun af skjölum, þýðingar, kynningar, peningagjafir, o.s.frv. Öll framlög eru vel þegin. Lesið styðja við KDE síðuna fyrir nánari upplýsingar.

Við vonumst til að heyra frá þér.

Um KDE

KDE er margverðlaunað, óháð verkefni sem samanstendur af hundruðum af forriturum, þýðendum, hönnuðum og öðrum sérfræðingum út um allan heim sem vinna saman að því að búa til og dreifa frjálst öflugu, stillanlegu og stöðugu skjáborðs- og skrifstofuumhverfi sem býður upp á sveigjanlegt, einingarbyggt, netgegnsætt kerfi ásamt frábærum hönnuðargrunni.

KDE býður upp á stöðugt, dafnað skjáborð sem inniheldur fyrsta flokks flakkara (Konqueror), persónulegan skipuleggjara (Kontact), skrifstofuvöndull(KOffice), fjöldan allan af net og kerfisstjórnartólum, ásamt öflugu hönnuðarumhverfi sem inniheldur hið frábæra KDevelop.

KDE er lifandi sönnun á að Open Source "Bazaar-style" hugbúnaðarhönnun getur skilað topp hönnun á sömu línu og oft betri en þróuðustu lokuð kerfi.

Vörumerki. KDE og K Desktop Environment eru vörumerki af KDE e.V. Linux er skrásett vörumerki af Linus Torvalds. UNIX er skrásett vörumerki af The Open Group í Bandaríkjunum og öðrum löndum. Öll önnur vörumerki og höfundarréttar sem er minnst á í þessari tilkynningu eru eign viðkomandi aðila.

Fréttatengiliðir